చరిత్రలో ఈరోజు —  జూలై 20: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

చివరిగా నవీకరణ: జూలై 20, 2026

చరిత్రలో ఈరోజు – జూలై 20 ప్రపంచ చరిత్రలో విజ్ఞానం, సాంకేతికత, రాజకీయాలు మరియు అంతరిక్ష పరిశోధనల పరంగా విశేష ప్రాధాన్యత కలిగిన రోజు.

ఈ ఆర్టికల్‌ను ఇంగ్లీష్‌లో చదవండి

చరిత్రలో ఈరోజు —  జూలై 26: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

ఈ ఆర్టికల్ లో మనం తెలుసుకోబోయే అంశాలు:

• జూలై 20న జరిగిన ముఖ్యమైన చారిత్రక సంఘటనలు
• జూలై 20న జన్మించిన ప్రముఖుల వివరాలు
• జాతీయ మరియు అంతర్జాతీయ దినోత్సవాల విశేషాలు
• పోటీ పరీక్షలకు ఉపయోగపడే ముఖ్యమైన కరెంట్ అఫైర్స్ విశేషాలు

🌟 జూలై 20 ముఖ్యాంశాలు 

• ఆధునిక జన్యుశాస్త్ర పితామహుడు: ‘లాస్ ఆఫ్ హెరెడిటీ’ (జీవుల అనువంశికత సూత్రాలు) కనుగొన్న ప్రముఖ వృక్షశాస్త్రజ్ఞుడు గ్రెగర్ జాన్ మెండెల్ 1822లో ఈ రోజే జన్మించారు. 
• ఎవరెస్ట్ విజేత జననం: ప్రపంచంలోనే ఎత్తైన ఎవరెస్టు పర్వతాన్ని తొలిసారి అధిరోహించిన సర్ ఎడ్మండ్ హిల్లరీ 1919లో ఈ రోజునే జన్మించారు. 
• ముఖ్యమైన అంతర్జాతీయ దినోత్సవాలు: ఈ రోజును ప్రపంచ చెస్ దినోత్సవం, అంతర్జాతీయ చంద్ర దినోత్సవం మరియు స్పేస్ ఎక్స్‌ప్లోరేషన్ డేగా జరుపుకుంటారు.

🗓️ జూలై 20న జరిగిన ముఖ్య సంఘటనలు

1969 – భారత రాష్ట్రపతి పదవిలో కీలక మార్పులు

భారత తాత్కాలిక రాష్ట్రపతిగా ఉన్న వరాహగిరి వేంకటగిరి (వి.వి. గిరి) తన పదవికి రాజీనామా చేయగా, సుప్రీంకోర్టు ప్రధాన న్యాయమూర్తి జస్టిస్ ఎం. హిదయతుల్లా భారత తాత్కాలిక రాష్ట్రపతిగా ప్రమాణ స్వీకారం చేశారు.

1975 – అత్యవసర పరిస్థితి (ఎమర్జెన్సీ) కాలంలో విదేశీ విలేకరుల బహిష్కరణ

భారతదేశంలో ఎమర్జెన్సీ అమలులో ఉన్న సమయంలో, ప్రభుత్వ సెన్సార్ నిబంధనలకు లొంగి ఉండే పత్రంపై సంతకం చేయడానికి నిరాకరించినందుకు గాను ‘ది టైమ్స్’, ‘ది డెయిలీ టెలిగ్రాఫ్’, ‘న్యూస్ వీక్’ పత్రికల అంతర్జాతీయ విలేకరులను అప్పటి భారతదేశ ప్రధానమంత్రి ఇందిరా గాంధీ దేశం నుండి బహిష్కరించింది.

చరిత్రలో ఈరోజు —  జూలై 25: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

ఇతర ముఖ్య సంఘటనలు 

• 1878: హవాయి దీవులలో మొట్టమొదటి టెలిఫోన్ సేవలను ప్రవేశపెట్టారు.
• 1903: ప్రముఖ ఆటోమొబైల్ సంస్థ ఫోర్డ్ మోటార్ కంపెనీ తన మొట్టమొదటి కారును విజయవంతంగా ఎగుమతి చేసింది.
• 1930: వాషింగ్టన్ డి.సి.లో రికార్డు స్థాయిలో 106 డిగ్రీల ఫారెన్‌హీట్ (41 డిగ్రీల సెంటిగ్రేడ్) గరిష్ట ఉష్ణోగ్రత నమోదైంది.
• 1934: అమెరికాలోని అయొవా (Iowa) రాష్ట్రంలోని ‘కియోకుక్’ (Keokuk) ప్రాంతంలో ఆ రాష్ట్ర చరిత్రలోనే అత్యధికంగా 118 డిగ్రీల ఫారెన్‌హీట్ (48 డిగ్రీల సెంటిగ్రేడ్) ఉష్ణోగ్రత నమోదైంది.
• 1944: రాస్తెన్ బర్గ్‌లో తనపై జరిగిన మూడవ ప్రాణాంతక హత్యా ప్రయత్నం (బాంబు దాడి) నుండి అడాల్ఫ్ హిట్లర్ తృటిలో తప్పించుకున్నాడు.

🎂 ప్రముఖుల జననాలు

📌 ఇతర ప్రముఖుల జననాలు: ఈ రోజున సుప్రసిద్ధ తెలుగు కవి, చారిత్రక జానపద మరియు నాటక రచయిత కవికొండల వెంకటరావు (1892), రష్యా (యు.ఎస్.ఎస్.ఆర్) చదరంగ ఆటగాడు లెవ్ అరోనిన్ (1920), రోదసీ యాత్రికుడు వ్లాదిమిర్ ఎ ల్యాఖోవ్ (1941), టన్నెలింగ్ సూక్ష్మదర్శినిని కనిపెట్టి 1986లో నోబెల్ బహుమతి పొందిన గెర్డ్ బిన్నింగ్ (1947) జన్మించారు. సినిమా రంగానికి వస్తే ప్రముఖ బహుముఖ ప్రజ్ఞాశాలి ఎస్.జె.సూర్య (1968), నటి గిరిజా షెత్తర్ (1969), నటి మరియు నృత్యకారిణి గ్రేసీ సింగ్ (1980), మరియు తెలుగు చలనచిత్ర దర్శకుడు వేణు ఊడుగుల (1983) కూడా ఈ రోజునే జన్మించారు. చారిత్రక వీరుడు అలెగ్జాండర్ III (ది గ్రేట్) పుట్టినరోజు కూడా ఇదే రోజున జరుపుకుంటారు.

🕯️ ప్రముఖుల మరణ వార్షికోత్సవాలు

• 1937 – గూగ్లి ఎల్మో మార్కోని: రేడియోను కనుగొని, ప్రపంచ సమాచార రంగంలో విప్లవాన్ని సృష్టించిన భౌతిక శాస్త్రవేత్త మరియు నోబెల్ బహుమతి గ్రహీత.
• 1973 – బ్రూస్ లీ: అంతర్జాతీయంగా మార్షల్ ఆర్ట్స్ (యుద్ధ విద్యలు) ప్రపంచంలో సంచలనం సృష్టించిన సుప్రసిద్ధ హాలీవుడ్ నటుడు మరియు యుద్ధ వీరుడు.
• 2019 – షీలా దీక్షిత్: భారత జాతీయ కాంగ్రెస్ ప్రముఖ నాయకురాలు, దేశ రాజధాని ఢిల్లీకి అత్యధిక కాలం (15 సంవత్సరాలు) ముఖ్యమంత్రిగా సేవలు అందించిన మహిళా నేత.
• 2024 – జెడింగీ: మిజోరాం రాష్ట్రానికి చెందిన ధీర వనిత, శౌర్యచక్ర పురస్కార గ్రహీత. 1978 జూలై 3న తన 26వ ఏట వంట చెరకు కోసం అడవికి వెళ్ళినప్పుడు, తనపై దాడికి వచ్చిన పులిని గొడ్డలితో నరికి చంపి అసాధారణ సాహసాన్ని ప్రదర్శించారు.

📌 ఇతర ప్రముఖుల మరణాలు: 1951లో జెరూసలెంలో దారుణ హత్యకు గురైన జోర్డాన్ రాజు అబ్దుల్లా ఇబిన్ హుస్సేన్, భారతీయ ప్రముఖ నేపథ్య గాయకురాలు గీతా దత్ (1972), భారత స్వాతంత్ర్య సమరయోధుడు బటుకేశ్వర్ దత్ (1965), ప్రముఖ భారతీయ చార్టర్డ్ అకౌంటెంట్ పర్వతనేని బ్రహ్మయ్య (1980) ఈ రోజునే కన్నుమూశారు.

📢 జాతీయ & అంతర్జాతీయ దినోత్సవాలు

• ప్రపంచ చెస్ దినోత్సవం (World Chess Day): అంతర్జాతీయ చెస్ సమాఖ్య (FIDE) స్థాపనకు గుర్తుగా ప్రతి సంవత్సరం జూలై 20న ప్రపంచవ్యాప్తంగా చదరంగం ఆట ప్రాముఖ్యతను వివరిస్తూ ఈ రోజును జరుపుకుంటారు. 
• అంతర్జాతీయ చంద్ర దినోత్సవం (International Moon Day): 1969లో మానవుడు (నీల్ ఆర్మ్‌స్ట్రాంగ్) మొదటిసారి చంద్రుడిపై అడుగుపెట్టిన చారిత్రాత్మక ఘట్టాన్ని పురస్కరించుకుని ఐక్యరాజ్యసమితి ఈ దినోత్సవాన్ని ప్రకటించింది. 
• స్పేస్ ఎక్స్‌ప్లోరేషన్ డే (Space Exploration Day): మానవాళి సాధించిన వైజ్ఞానిక ఆవిష్కరణలు మరియు అంతరిక్ష అన్వేషణలను గౌరవిస్తూ ఈ రోజును నిర్వహిస్తారు.
• కొలంబియా స్వాతంత్ర్య దినోత్సవం: 1810 జూలై 20న కొలంబియా దేశం స్పెయిన్ పాలన నుండి తన స్వాతంత్ర్యాన్ని ప్రకటించుకుంది.

💡 మీకు తెలుసా?

• విచిత్ర రికార్డు: స్వీడన్ కవి ఎరిక్ కార్ల్‌ఫెల్డ్ 1918లో తనకు ప్రకటించిన నోబెల్ బహుమతిని తిరస్కరించారు. అయితే, ఆయన మరణించిన తర్వాత 1931లో నోబెల్ కమిటీ మరణానంతరం (Posthumously) ఆయనకు ఈ బహుమతిని అందజేసింది. మరణానంతరం నోబెల్ పొందిన అతికొద్ది మందిలో ఈయన ఒకరు!
• పులిని చంపిన ధీర వనిత: మిజోరాంకు చెందిన 26 ఏళ్ల జెడింగీ అనే మహిళ 1978లో కేవలం ఒక గొడ్డలితో తనపై దాడి చేసిన పులిని నరికి చంపి దేశ అత్యున్నత సాహస పురస్కారమైన ‘శౌర్యచక్ర’ను అందుకున్నారు.

❓ తరచుగా అడిగే ప్రశ్నలు (FAQs)

ప్రశ్న 1: ఆధునిక జన్యుశాస్త్ర పితామహుడిగా పేరుగాంచిన ఏ శాస్త్రవేత్త జూలై 20న జన్మించారు?

జవాబు: గ్రెగర్ జాన్ మెండెల్. ఈయన అనువంశికత సూత్రాలను (Laws of Heredity) కనుగొన్నారు.

చరిత్రలో ఈరోజు —  జూలై 24: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

ప్రశ్న 2: ఢిల్లీకి సుదీర్ఘకాలం ముఖ్యమంత్రిగా పనిచేసి, జూలై 20న మరణించిన మహిళా నాయకురాలు ఎవరు?

జవాబు: షీలా దీక్షిత్. ఆమె 2019 జూలై 20న మరణించారు.

ప్రశ్న 3: రేడియోను కనిపెట్టిన ఏ ప్రముఖ శాస్త్రవేత్త వర్ధంతి జూలై 20న ఉంది?

జవాబు: గూగ్లి ఎల్మో మార్కోని. ఈయన 1937 జూలై 20న మరణించారు.

ప్రశ్న 4: అంతర్జాతీయ చెస్ దినోత్సవం ఎప్పుడు జరుపుకుంటారు?

జవాబు: ప్రతి సంవత్సరం జూలై 20న.

చరిత్రలో ఈరోజు —  జూలై 23: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

ప్రశ్న 5: ఫోర్డ్ మోటార్ కంపెనీ తొలి కారు ఎగుమతి చేసిన సంవత్సరం ఏది?

జవాబు: 1903.

ప్రశ్న 6: అంతర్జాతీయ చంద్ర దినోత్సవాన్ని జూలై 20న ఎందుకు జరుపుకుంటారు?

జవాబు: 1969 జూలై 20న అపోలో-11 అంతరిక్ష నౌక ద్వారా మానవుడు చంద్రుడిపై మొదటిసారి అడుగుపెట్టిన చారిత్రాత్మక విజయానికి గుర్తుగా ఈ రోజును జరుపుకుంటారు.