చరిత్రలో ఈరోజు —  జూలై 6: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

చివరిగా నవీకరణ: జూలై 6, 2026

చరిత్రలో ఈరోజు – జూలై 6 ప్రపంచ చరిత్రలో వైద్యశాస్త్రం, రాజకీయాలు, స్వాతంత్ర్య ఉద్యమాలు మరియు సాంస్కృతిక రంగాలకు సంబంధించిన ఎన్నో విశిష్ట సంఘటనలకు సాక్ష్యంగా నిలిచిన రోజు. ముఖ్యంగా లూయీ పాశ్చర్ రూపొందించిన రేబీస్ వ్యాక్సిన్‌ను మొదటిసారిగా ఉపయోగించడం మానవ ఆరోగ్య చరిత్రలో ఒక గొప్ప మైలురాయిగా గుర్తించబడింది.

ఈ ఆర్టికల్‌ను ఇంగ్లీష్‌లో చదవండి

ఈ ఆర్టికల్ లో మనం తెలుసుకోబోయే అంశాలు:

చరిత్రలో ఈరోజు —  జూలై 26: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

• జూలై 6న జరిగిన ముఖ్యమైన చారిత్రక సంఘటనలు
• జూలై 6న జన్మించిన ప్రముఖుల వివరాలు
• జాతీయ మరియు అంతర్జాతీయ దినోత్సవాల విశేషాలు
• పోటీ పరీక్షలకు ఉపయోగపడే ముఖ్యమైన కరెంట్ అఫైర్స్ విశేషాలు

🌟 జూలై 6 ముఖ్యాంశాలు 

• రేబీస్ వ్యాక్సిన్ విజయం: 1885లో లూయీ పాశ్చర్ రూపొందించిన రేబీస్ వ్యాక్సిన్‌ను మొదటిసారిగా ప్రయోగించారు.
• భారతీయ సంగీత దిగ్గజం జననం: కర్ణాటక సంగీత సామ్రాట్, వాగ్గేయకారుడు డాక్టర్ మంగళంపల్లి బాలమురళీకృష్ణ జులై 06న జన్మించారు. 
• ఆధ్యాత్మిక గురువు జన్మదినం: టిబెటన్ బౌద్ధ మతగురువు, నోబెల్ బహుమతి గ్రహీత 14వ దలై లామా పుట్టినరోజు ఈరోజే. 
• ముఖ్యమైన దినోత్సవాలు: ప్రపంచ జూనోసిస్ దినోత్సవం(World Zoonoses Day) మరియు అంతర్జాతీయ ముద్దుల దినోత్సవం (International Kissing Day) వంటి ప్రత్యేక రోజులను ఈరోజు జరుపుకుంటారు.

📅 జూలై 6న జరిగిన ముఖ్య సంఘటనలు

1885 – మొదటి యాంటీ రేబీస్ వ్యాక్సిన్ ప్రయోగం

ప్రముఖ  ఫ్రెంచ్ శాస్త్రవేత్త లూయీ పాశ్చర్ తాను కనుగొన్న రేబీస్ నివారణ వ్యాక్సిన్‌ను మొదటిసారిగా జోసెఫ్ మీస్టర్ అనే బాలుడిపై విజయవంతంగా ప్రయోగించి అతని ప్రాణాలు కాపాడారు. వైద్య చరిత్రలో ఇది ఒక మైలురాయి.

1964 – మాలావి స్వాతంత్ర్యం

ఆఫ్రికా ఖండంలోని న్యాసాలాండ్ బ్రిటిష్ పాలన నుండి విముక్తి పొంది, “మాలావి” అనే పేరుతో ఒక స్వతంత్ర దేశంగా అవతరించింది.

1986 – ఫిలిప్పీన్స్‌లో విఫల కుట్ర

ఫిలిప్పీన్స్ మాజీ అధ్యక్షుడు ఫెర్డినాండ్ మార్కోస్ అనుచరులు దేశంలో అధికారాన్ని చేజిక్కించుకోవడానికి చేసిన సైనిక కుట్ర పూర్తిగా విఫలమైంది.

🎂 ప్రముఖుల జననాలు

📌 ఇతర ప్రముఖుల జననాలు: ఈ రోజున అమెరికన్ విప్లవ వీరుడు జాన్ పాల్ జోన్స్ (1747), రష్యన్ జార్ నికోలస్-I (1796), స్వాతంత్ర్య సమరయోధురాలు గూడూరి నాగరత్నం (1913), హాలీవుడ్ నటి జానెట్ లీ (1927), కవి ఛాయరాజ్ (1948), చలనచిత్ర నటి నికిత (1981), నటి శ్వేతా త్రిపాఠి (1985), మరియు టాలీవుడ్ గాయని మాళవిక (1988) జన్మించారు.

చరిత్రలో ఈరోజు —  జూలై 25: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

🕯️ ప్రముఖుల మరణ వార్షికోత్సవాలు

• 1986 – బాబు జగ్జీవన్ రామ్: భారత మాజీ ఉప ప్రధాని మరియు ప్రముఖ స్వాతంత్ర్య సమరయోధులు. ఈయన వర్ధంతిని సమతా దివస్‌గా జరుపుకుంటారు. 
• 1999 – ఎం.ఎల్.జయసింహ: హైదరాబాద్‌కు చెందిన ప్రముఖ భారతీయ మాజీ టెస్ట్ క్రికెట్ క్రీడాకారుడు. ఒకే టెస్ట్ మ్యాచ్‌లోని ఐదు రోజుల పాటు బ్యాటింగ్ చేసిన మొదటి క్రికెటర్‌గా ఆయన టెస్ట్ క్రికెట్ చరిత్రలోనే సరికొత్త రికార్డు సృష్టించారు. 
• 2002 – ధీరుభాయ్ అంబానీ: రిలయన్స్ ఇండస్ట్రీస్ వ్యవస్థాపకుడు, భారతదేశపు అత్యంత విజయవంతమైన పారిశ్రామికవేత్తలలో ఒకరు. 

📌 ఇతర ప్రముఖుల మరణాలు: స్కాట్లాండ్ సైనికుడు, బ్రిటీష్ వలస పాలనాధికారి మరియు మద్రాసు ప్రెసిడెన్సీ గవర్నర్ థామస్ మన్రో (1827), ఆంధ్రప్రదేశ్ రాజకీయాల్లో వివాదరహితుడైన నాయకుడిగా పేరుగాంచిన మాజీ మంత్రి భాట్టం శ్రీరామమూర్తి 2015లో ఇదే రోజున పరమపదించారు.

📢 జాతీయ & అంతర్జాతీయ దినోత్సవాలు

• ప్రపంచ జూనోసిస్ దినోత్సవం (World Zoonoses Day): జంతువుల నుండి మనుషులకు, మనుషుల నుండి జంతువులకు వ్యాపించే వ్యాధులను (ఉదాహరణకు రేబీస్, బర్డ్ ఫ్లూ) జూనోసిస్ అంటారు. ఈ వ్యాధుల పట్ల ప్రజల్లో, ముఖ్యంగా జంతు ప్రేమికుల్లో అవగాహన కల్పించడానికి జరుపుకునే రోజు . 
• అంతర్జాతీయ ముద్దుల దినోత్సవం (International Kissing Day or World Kissing Day): ప్రేమానురాగాలను వ్యక్తపరచడంలో ముద్దు యొక్క ప్రాముఖ్యతను తెలియజేసే రోజు. 
• నేషనల్ ఎయిర్ ట్రాఫిక్ కంట్రోల్ డే (అమెరికా): విమాన ప్రయాణాల భద్రతలో కీలక పాత్ర పోషించే ఎయిర్ ట్రాఫిక్ కంట్రోలర్ల సేవలను గుర్తించే రోజుగా అమెరికాలో జరుపుకుంటారు. 
• నేషనల్ ఫ్రైడ్ చికెన్ డే (అమెరికా): ఆహార ప్రియుల కోసం అమెరికాలో ప్రాచుర్యం పొంది, ప్రస్తుతం ప్రపంచవ్యాప్తంగా ప్రసిద్ధ వంటకమైన ఫ్రైడ్ చికెన్‌ను గుర్తిస్తూ జరుపుకునే రోజు.

💡 మీకు తెలుసా?

• అద్భుతమైన వ్యాక్సిన్ పుట్టుక: లూయీ పాశ్చర్ కనుగొన్న రేబీస్ వ్యాక్సిన్ చారిత్రాత్మక విజయం సాధించిన రోజునే (జులై 06) ప్రతి సంవత్సరం ‘ప్రపంచ జూనోసిస్ దినోత్సవం’గా జరుపుకుంటారు.
• మంగళంపల్లి బాలమురళీకృష్ణ రికార్డు: కేవలం 8 సంవత్సరాల వయసులోనే విజయవాడలో పూర్తిస్థాయి కచేరీ నిర్వహించి బాలమేధావిగా గుర్తింపు తెచ్చుకున్న మహానుభావుడు మన బాలమురళీకృష్ణ గారు.
• దలైలామా నోబెల్ శాంతి బహుమతి: ప్రపంచవ్యాప్తంగా శాంతి, అహింసా సందేశాలను ప్రచారం చేసినందుకు గాను టిబెటన్ల ఆధ్యాత్మిక గురువు దలైలామా 1989లో ప్రతిష్టాత్మక ‘నోబెల్ శాంతి బహుమతి’ అందుకున్నారు.

❓ తరచుగా అడిగే ప్రశ్నలు (FAQs)

ప్రశ్న 1: రేబీస్ వ్యాక్సిన్‌ను మొదటిసారిగా ఎప్పుడు ఉపయోగించారు?

జవాబు: 1885 జూలై 6న.

ప్రశ్న 2: న్యాసాలాండ్ ఏ పేరుతో స్వతంత్ర దేశంగా అవతరించింది?

జవాబు: మాలావి.

ప్రశ్న 3: భారతీయ జనసంఘ్ వ్యవస్థాపకుడు ఎవరు?

జవాబు: శ్యామ ప్రసాద్ ముఖర్జీ.

చరిత్రలో ఈరోజు —  జూలై 24: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

ప్రశ్న 4: ప్రపంచ జూనోసిస్ దినోత్సవం ఎప్పుడు నిర్వహిస్తారు?

జవాబు: ప్రతి సంవత్సరం జూలై 6న

ప్రశ్న 5: ధీరూభాయ్ అంబానీ ఏ సంస్థకు స్థాపకుడు?

జవాబు: రిలయన్స్ ఇండస్ట్రీస్.

ప్రశ్న 6: మంగళంపల్లి బాలమురళీకృష్ణ ఏ రంగంలో ప్రసిద్ధి పొందారు?

జవాబు: కర్ణాటక సంగీతంలో.

ప్రశ్న 7: ప్రపంచ జూనోసిస్ దినోత్సవాన్ని జులై 06న ఎందుకు జరుపుకుంటారు?

జవాబు: 1885 జులై 06న లూయీ పాశ్చర్ మొట్టమొదటిసారిగా జూనోటిక్ వ్యాధి అయిన రేబీస్‌కు వ్యతిరేకంగా వ్యాక్సిన్‌ను విజయవంతంగా ప్రయోగించారు. అందువల్ల ఈ రోజును ఎంచుకున్నారు.

చరిత్రలో ఈరోజు —  జూలై 23: ముఖ్య సంఘటనలు, ప్రముఖుల జననాలు, జాతీయ & అంతర్జాతీయ దినోత్సవాలు

ప్రశ్న 8: కర్ణాటక సంగీత విద్వాంసుడు డాక్టర్ మంగళంపల్లి బాలమురళీకృష్ణ జన్మస్థలం ఏది?

జవాబు: ఆయన ఆంధ్రప్రదేశ్‌లోని తూర్పుగోదావరి జిల్లా శంకరగుప్తం గ్రామంలో 1930 జులై 06న జన్మించారు.

ప్రశ్న 9: ‘జూనోసిస్’ (Zoonoses) అంటే ఏమిటి?

జవాబు: జంతువుల నుండి మనుషులకు లేదా మనుషుల నుండి జంతువులకు సంక్రమించే అంటువ్యాధులను జూనోసిస్ అంటారు.

ప్రశ్న 10: ‘సమతా దివస్’ ఎవరి వర్ధంతి సందర్భంగా జరుపుకుంటారు?

జవాబు: భారతదేశ మాజీ ఉప ప్రధాన మంత్రి బాబు జగ్జీవన్ రామ్ వర్ధంతిని (జూలై 6) ‘సమతా దివస్’గా జరుపుకుంటారు. ఆయన 1986 జూలై 6న కన్నుమూశారు.