ప్రపంచవ్యాప్తంగా మహమ్మారులు, పెరుగుతున్న వ్యాధులు, అసమానతల యుగంలో — ప్రపంచ ఆరోగ్యాన్ని నిజంగా ఎలా కాపాడాలి? ఈ ప్రశ్నే ప్రపంచ ఆరోగ్య సంస్థ (WHO) ని 1948 ఏప్రిల్ 7న స్థాపించడానికి కారణమైంది.
Click here to Read the English version of this article.
స్విట్జర్లాండ్లోని జెనీవాలో ప్రధాన కార్యాలయం కలిగిన WHO, ఐక్యరాజ్యసమితి ప్రత్యేక ఆరోగ్య సంస్థ. ఇది 194 సభ్య దేశాలను ప్రాతినిధ్యం వహిస్తూ, 6 ప్రాంతీయ కార్యాలయాలు మరియు 150 ఫీల్డ్ కార్యాలయాల ద్వారా సమన్వయం చేస్తుంది. డా. టెడ్రోస్ అధనోమ్ గెబ్రియేసస్ (WHO డైరెక్టర్-జనరల్గా ఎంపికైన తొలి ఆఫ్రికన్) 2017 నుంచి WHO కు నేతృత్వం వహిస్తున్నారు.
WHO లక్ష్యం: “ఆరోగ్యం అంటే కేవలం వ్యాధి లేకపోవడం కాదు, సంపూర్ణ శారీరక, మానసిక, సామాజిక శ్రేయస్సు స్థితి కలిగి ఉండడం”. దశాబ్దాలుగా WHO – మశూచి (స్మాల్పాక్స్) నిర్మూలన, పోలియో నిర్మూలనలో కీలక పురోగతి, ఎబోలా మరియు కోవిడ్-19 వంటి మహమ్మారులపై సమర్థవంతమైన పాత్ర పోషించింది.
నేడు WHO దృష్టి HIV/AIDS, మలేరియా, క్షయవ్యాధితో పాటు క్యాన్సర్, గుండె జబ్బులు వంటి సంక్రమణ లేని వ్యాధుల పెరుగుతున్న ముప్పుపై ఉంది. అలాగే ఇది సార్వత్రిక ఆరోగ్య సేవలు, పోషక భద్రత, అత్యవసర పరిస్థితుల సన్నద్ధత కోసం కూడా కృషి చేస్తోంది.
ప్రధానంగా సభ్యదేశాల విరాళాలు మరియు ప్రపంచ దాతల నిధులతో నడుస్తున్న WHO, అంతర్జాతీయ ఆరోగ్య ప్రమాణాలు నిర్ణయిస్తూ, ఆరోగ్య ముప్పులను పర్యవేక్షిస్తూ, సాంకేతిక సహాయాన్ని అందిస్తోంది.
అయితే, ఆరోగ్య సమస్యలు మరింత క్లిష్టతరం అవుతున్న కొద్దీ ఒక ప్రశ్న ముందుకొస్తోంది:
21వ శతాబ్దంలో ప్రతి ఒక్కరి ఆరోగ్య హక్కును కాపాడటానికి WHO సిద్దంగా ఉందా?
📢 WHO భవిష్యత్తు ఆరోగ్యాన్ని తీర్చిదిద్దగలదా?
💬 మీ అభిప్రాయం ఏంటి? కామెంట్ చేయండి!