ఎప్పుడైనా ఆలోచించారా? అమెరికా రాజ్యాంగంలో 7 ప్రకరణలు(ఆర్టికల్స్), ఆస్ట్రేలియా రాజ్యాంగంలో 128 ప్రకరణలు, చైనా రాజ్యాంగంలో 130 ప్రకరణలు, కెనడా రాజ్యాంగంలో 147 ప్రకరణలు ఉంటే…మన భారత రాజ్యాంగం 1949లో 395 ప్రకరణలు, 22 భాగాలు, 8 షెడ్యూల్స్తో ప్రారంభమై, ప్రస్తుతం సుమారు 448 ప్రకరణలు, 25 భాగాలు, 12 షెడ్యూళ్లతో ప్రపంచంలోనే అతి సుదీర్ఘ లిఖిత రాజ్యాంగంగా అవతరించింది.
Click here to Read the English version of this article.
రాజ్యాంగాలను లిఖిత మరియు అలిఖిత రాజ్యాంగాలుగా విభజించవచ్చు. ఉదాహరణకు, అమెరికా రాజ్యాంగం లిఖిత రాజ్యాంగానికి, బ్రిటీష్ రాజ్యాంగం అలిఖిత రాజ్యాంగానికి స్ఫష్ట ఉదాహరణలు. భారత రాజ్యాంగం ప్రపంచంలోని అన్ని రాజ్యాంగాల కంటే సుదీర్ఘమైన, సమగ్రమైన, విస్తృతమైన, మరియు వివరణాత్మక అధికార పత్రంగా నిలుస్తుంది.
భారత రాజ్యాంగం ప్రత్యేకతకు నాలుగు కారణాలు ఉన్నాయి: సువిశాల విస్తీర్ణభూమి, చారిత్రక చట్టాల ప్రభావం, కేంద్రం-రాష్ట్రాలకు ఒకే రాజ్యాంగం, రాజ్యాంగ పరిషత్ లో న్యాయ నిపుణుల ప్రాబల్యం. ఇది కేవలం ప్రభుత్వ విధానాలను మాత్రమే కాకుండా, పౌరుల హక్కులు, విధుల వివరణ, పరిపాలన అవసరాలను కూడా అందిస్తుంది.
1976లో 42వ సవరణ “మినీ రాజ్యాంగం”గా చరిత్రలో నిలిచింది. ఈ రాజ్యాంగ సవరణ చట్టం ద్వారా రాజ్యాంగంలోని అనేక భాగాల(పార్ట్స్)లో మార్పులు వచ్చాయి. కానీ, కేశవానంద భారతి కేసు(కేశవానంద భారతి VS కేరళ రాష్ట్రం) 1973లో సుప్రీంకోర్టు తీర్పునిస్తూ 368వ ప్రకరణ ద్వారా పార్లమెంట్ రాజ్యాంగ సవరణ అధికారాన్ని కలిగి ఉన్నప్పటికీ, అది రాజ్యాంగంలోని “మౌలిక స్వరూపానికి” భంగం కలిగించేలా ఉండకూడదని ప్రకటించింది.
2019 వరకు, పూర్వపు జమ్మూ కాశ్మీర్ రాష్ట్రానికి స్వంత రాజ్యాంగం ఉంది. 2019లో రాష్ట్రపతి ఉత్తర్వుల ద్వారా ఆర్టికల్ 370 రద్దుతో ప్రత్యేక ప్రతిపత్తి రద్దు కాబడి జమ్మూ కాశ్మీర్ రెండు కేంద్ర పాలిత ప్రాంతాలుగా మారింది. అవి జమ్మూ కాశ్మీర్ మరియు లడఖ్ కేంద్రపాలిత ప్రాంతాలు.
ఈ రాజ్యాంగం కేవలం నియమాల సమాహారం కాదు, అది భారత్ యొక్క హృదయ స్పందన. మరి, భవిష్యత్తులో ఇంకెన్ని సవరణలు వచ్చి, మన జీవితాలను మారుస్తాయో?
📢 మీకు భారత రాజ్యాంగంలోని ఏ అంశం అత్యంత ఆసక్తికరంగా అనిపిస్తుంది?
💬 కామెంట్స్లో చెప్పండి, మరియు ఈ విలువైన సమాచారాన్ని మీ స్నేహితులతో షేర్ చేయండి!